უნივერსიტეტის ისტორია

 სუხიშვილის უნივერსიტეტი დაფუძნებული იქნა 1995 წლის იანვარში სოფლის მეურნეობის მეცნიერებათა დოქტორის, პროფესსორ ვალერი სუხიშვილის მიერ თავის მეუღლესთან და შვილთან ერთად, თავდაპირველად საქართველოს აგრარულ მეცნიერებათა აკადემიის ფილიალად, ხოლო 2003 წლიდან დამოუკიდებელი სტატუსით.

უნივერსიტეტი განთავსებულია ქ. გორში ავტომატიზაციისა და მექანიზაციის კვლევითი ინსტიტუტეს ყოფილ შენობაში – ცხინვალის გზატკეცილი #9,რომლის ფართი შეადგენს 3000 მ2, ხოლო მეორე კორპუსი გორგასალის ქუჩა #1, რომლის ფართი შეადგენს 2700 მ2-ს. სულ უნივერსიტეტის განკარგულებაში არსებული შენობების ფართი შეადგენს 5700 მ2-ს რომელიც განთავსებულია 1,6 ჰექტარ ფართობზე, სადაც მოწყობილია სპორტული მოედნები, გამწვანებისა და დასასვენებელი ადგილები.

უნივერსიტეტი დგეისათვის განსაზღვრულია 750 სტუდენტზე, სამომავლოდ თავისი მატერიალურ-ტექნიკური ბაზით და ინტელექტით მთლიანად აკმაყოფილებს 950 სტუდენტის კონტიგენს. დღემდე უნივერსიტეტი სხვადასხვა სპეციალობებით დაამთავრა 536 სტუდენტმა, რომლებიც წარმატებით მოღვაწეობენ სხვადასხვა სფეროში. ამჟამად უნივერსიტეტში მოღვაწეობს 30 პროფესორი, მომავალში მათი რიცხვი გაიზრდება 45-მდე. უნივერსიტეტის დაარსებიდან წლების მანძილზე აქ მოღვაწეობდნენ აწ გარდაცვლილი ცნობილი მეცნიერები, პროფესორები: ოთარ მოდებაძე, ჰამლეტ გიორგაძე, ნანა რუსიტაშვილი, ლეონიდე ადეიშვილი, ვენერა ინგოროღვა, თემურ მენაბდიშვილი, იაშა საათაშვილი. ამჟამად ნაყოფიერად ნაყოფიერად მოღვაწეობენ ღვაწლმოსილი მეცნიერები, პროფესორები.

უნივერსიტეტში დაპროგრამებულია შემდეგი ფაკულტეტები და სპეციალობები: სამართალმცოდნეობის, იურისტის სპეციალობით, ბიზნესისა და მართვის ფაკულტეტი – საფინანსო, საკრედიტო, საბანკო საგდასახადო საქმე, საბუღალტრო, ტურიზმის მენეჯმენტის, ჯანდაცვის ფაკულტეტი – ფარმაციის სპეციალობით, სამეურნეო და სატყეო ფაკულტეტი, აგროეკოლოგია და სატყეო მეურნეობის სპეციალობით.

უნივერსიტეტი მაღალი კლასის აუდიტორიებთან ერთად უზრუნველყოფილია კაბინეტ - ლაბორატორიებით, ინტერნეტით, თანამედროვე კომპიუტერული ქსელით, მდიდარი წიგნადი ფონდით არსებული ბიბლიოთეკით, გამომცემლობით, რომელიც უზრუნველყობს ლიცენზირებული სამეცნიერო კრებულის პერიოდულ გამოცემას.

სპორტის განვითარებისათვის უნივერსიტეტში მოქმედებს ორი სპორტული დარბაზი, ორი სპორტული მოედანი საჭირო ინვენტარით და მოწყობილობით. კალათბურთის, ფრენბურთის, ფეხბურთის, მკლავჭიდის, ჭიდაობის (ძიუდო) საქციები. ამასთან ერთად უნივერსიტეტს გააჩნია საკონცერტო დარბაზი, სადაც ფუნქციონირებს თვითშემოქმედების ჯგუფები: ქართული ცეკვის ანსამბლი, საზრიანთა შემოქმედების დასი ,,სუ“.

სუხიშვილის უნივერსიტეტში ზემოთ აღნიშნული პროცესების სრულყოფისა და ევროპელი სტანდარტების ფარგლებში სწავლების მაღალ დონეზე მოწყობამ განაპირობა ორჯერ ჩატარებული აკრედიტაციის მიერ დადებითი შეფასება და აკრედიტაციის მონიჭება.

ყოველივე აღნიშნულმა მიღწევებმა განაპირობა უნივერსიტეტის პოპულარობა და ამის შედეგი იყო ის, რომ 2009 წლის მარტის თვეში რექტორატი მიწვეული იყო ოქსფორდში გამართულ ევროპის საუნუვერსიტეტო ასამბლეის სამიტზე, სადაც რექტორს პროფესსორ ვალერი სუხიშვილს გადაეცა “ევროპული ხარისხის ნიშანი”, ევროპული საუნივერსიტეტო კავშირის დიპლომი და ლაურეატეს აღმნიშვნელი ჯილდო. ამჟამად, ივლისის თვეში უნივერსიტეტი მიწვეულია მალტაში ანალოგიურ სამიტზე, სადაც გათვალისწინებულია სუხიშვილის უნივერსიტეტის შეყვანა ევროპის საუნივერსიტეტო რექტორთა საბჭოს შემადგენლობაში. ოქსფორდში ყოფნის პერიოდში ურთიერთთანამშრომლობის მემორანდუმი გაფორმდა ბარსელონას (ესპანეთი) უნივერსიტეტთან. ანალოგიური მემორანდუმები მზადდება ვარშავის (პოლონეთი) და ოქსფორდის (ინგლისი) უნივერსიტეტებთან. უნივერსიტეტი არის ერთერთი დამფუძნებელი საქართველოს საუნივერსიტეტო კავშირისა, რომელშიც გაერთიანებულია საქართველოს 12 კერძო და 2 სახელმწიფო უნივერსიტეტი, რომლებთანაც მიმდინარეობს მჭიდრო ურთიერთთანამშრომლობა სასწავლო პროგარამების შეჯერების, სამეცნიერო მუშაობის ამაღლების, ერთობლივი კვლევა-ძიების განხორციელების საქმეში.

სუხიშვილის უნივერსიტეტში ფუნქციონირებს ჯანდაცვის რეპროდუქციული ჯანმრთელობის ცენტრი “სოფია მკურნალი”, სადაც მოსახლეობის მომსახურებასთან ერთად მიმდინარეობს სტუდენტების პრაქტიკული პროგრამის განხორციელება.