უნივერსიტეტის მისია

სუხიშვილის უნივერსიტეტი თავისი მრავალწლიანი გამოცდილებით ჩამოყალიბდა ერთ–ერთ ტრადიციულ უმაღლეს საგანმანათლებლო დაწესებულებად.

უნივერსიტეტის ძირითადი მისიაა:

ა) ხელი შეუწყოს ქართული და მსოფლიო კულტურული ფასეულობების განვითარებას დემოკრატიისა და ჰუმანიზმის პრინციპების საფუძველზე, რომლებიც მნიშვნელოვანია სამოქალაქო საზოგადოების არსებობისა და განვითარებისათვის;

ბ) დააკმაყოფილოს სტუდენტების პიროვნული მოთხოვნები მაღალი ხარისხის განათლების და აუცილებელი უნარ-ჩვევებისა და თვისებების შეძენის საქმეში;

გ) მოახდინოს პიროვნული პოტენციალის რეალიზაცია, განავითაროს მისი შემოქმედებითი შესაძლებლობები, უზრუნველყოს კურსდამთავრებულთა კონკურენტუნარიანობა შიდა და საერთაშორისო შრომის ბაზარზე, სიღრმისეული ცოდნის დონით   და  პრაქტიკაზე  ორიენტირებული  სპეციალისტის ჩამოყალიბება.

დ) სამეცნიერო პერსონალის მომზადება და გადამზადება, რომელიც უზრუნველყოფს ქვეყნის განვითარების  სტაბილურობას და თვით საგანმანათლებლო სისტემის მდგრადობას;

ე) სამეცნიერო კვლევებისთვის შესაფერისი პირობების შექმნა და  განავითარება;

უნივერსიტეტი უზრუნველყოფს პროფესორ-მასწავლებელთა აკადემიურ თავისუფლებას, ხოლო სტუდენტებს აქვთ საშუალება გააკეთონ ფართო არჩევანი საგანმანათლებლო პროგრამებსა და კურსებს შორის.ამ მიზნით უნივერსიტეტში შექმნილია  საგანმანათლებლო პროგრამები,რომლებიც შესაბამისობაშია კვალიფიკაციათა ეროვნულ ჩარჩოსთან და დარგობრივ სტანდარტებთან .

უნივერსიტეტი მუდმივად ახორციელებს საგანმანათლებლო პროგრამების ხარისხის მონიტორინგს  სტრატეგიული დაგეგმარების,ხარისხის მართვის,აკადემიური პერსონალის კვალიფიკაციის ამაღლების ,ეფექტური და გამჭირვალე მართვის სტრუქტურის მეშვეობით. უნივერსიტეტი ორიენტირებულია  იმ საზოგადოებრივი მისიის შესრულებაზე ,რომელიც განპირობებულია ქართული საზოგადოების ეროვნული და ინტეგრაციული ინტერესებით,რაც გამოიხატება საერთაშორისო და ეროვნული გამოცდილების შერწყმის გზით მაღალკვალიფიციურ  საგანამანათლებლო მომსახურებაში.უნივერსიტეტი უზრუნველყოფს გამართული სასწავლო პროცესის ორგანიზების სრულყოფას; ხარისხის მენეჯმენტის სისტემის განვითარება;საქართველოს საგანმანათლებლო საქმიანობაში მონაწილეობის მიღებას; უნივერსიტეტის სტუდენტთა, აკადემიური პერსონალის, წარმომადგენელთა და ადმინისტრაციის მუშაკთა მობილობის ხელშეწყობას;  მაღალკვალიფიციური პროფესიონალური კადრების მოზიდვას და მათ ჩართვას საგანმანათლებლო და სამეცნიერო-კვლევით პროცესებში; საგანმანათლებლო სისტემისა და კურსდამთავრებულთა მონიტორინგის სისტემის განვითარებას;

საგანმანათლებლო პროცესების მატერიალურ-ტექნიკური და საინფორმაციო უზრუნველყოფის სრულყოფას;

სამეცნიერო გამოკვლევების საერთაშორისო საგრანტო მხარდაჭერის არეალის და მასშტაბების გაფართოებას;

თანამშრომელთა შემოქმედებითი მოღვაწეობისათვის სათანადო პირობებისა და მატერიალური სტიმულირების სისტემის სრულყოფას;

სტუდენტთა პროფესიული უნარ-ჩვევების გამომუშავებისა და გამოცდილების მიღების მიზნით მჭიდრო კავშირების დამყარებას ცალკეულ საწარმოებთან, ფირმებთან .

რეალური საბაზისო  შესაძლებლობების  გათვალისწინებით  უნივერსიტეტში ხორციელდება ფარმაციის, სამართალმცოდნეობის, ბიზნესის მართვისა და სასოფლო სამეურნეო და სატყეო საქმის  სპეციალობების  საგანამანათლებლო  პროგრამები - საქართველოს და საზღვარგარეთის უმაღლესი საგანმანათლებლო დაწესებულებების გამოცდილების  გაზიარებით, სასწავლო პროგრამებისა და მატერიალურ-ტექნიკური  სასწავლო  ბაზის  ჩამოყალიბება.

აცნობიერებს რა თავის მისიას, უნივერსიტეტი მხარს უჭერს თანამედროვე, აპრობირებული ტექნოლოგიებისა და სწავლის მეთოდების დანერგვას, იძიებს ახალ პროგრესულ მექანიზმებს უმაღლესი განათლების სფეროში მიმდინარე რეფორმების წარმატებით განხორციელებისათვის.