სუხიშვილის   უნივერსიტეტის მისია        

   სუხიშვილის   უნივერსიტეტი წარმოადგენს ერთ-ერთ ტრადიციულ  უმაღლეს სასწავლებელს 13 წლიანი ტრდიციითა და საქმისადმი ერთგულებით. უნივერსიტეტის  ძირითადი მისია განვითარების მოცემულ ეტაპზე არის სტუდენტთა მომზადება მაღალი კონკურენტუნარიანი _ სიღრმისეული ცოდნის დონით, პრაქტიკაზე ორიენტირებული, ტრანსფერული უნარ-ჩვევებით, ანუ მოთხოვნილებადი სპეციალისტის ჩამოყალიბება.

მისი მიზანია საზოგადოებაში ცოდნის გავრცელება და მისი უშუალოდ,რეალურ სიტუაციაში გამოყენების სტიმულირება.

- გამართული სასწავლო პროცესის ორგანიზების უზრუნველყოფა;

- მმართველობითი გადაწყვეტილებების ოპტიმიზაცია, ხარისხის მენეჯმენტის სისტემის განვითარება;

- რეგიონის სოციალურ-ეკონომიკურ განვითარებაში სამეცნიერო-კონსალტინგური მონაწილეობის უზრუნველყოფა;

- უნივერსიტეტის სტუდენტთა, მეცნიერ-მაძიებელთა, აკადემიური შემადგენლობის წარმომადგენელთა და ადმინისტრაციის მუშაკთა მობილურობის ხელშეწყობა;

- საზოგადოებისა და შრომის ბაზრის მოთხოვნებზე ორიენტირებადი მაღალი ხარისხის საგანმანათლებლო პროგრამების მომზადება და რეალიზაცია, მუდმივი ზრუნვა მათი განახლებისათვის;

- საუნივერსიტეტო სტრუქტურების მუშაკთა კვალიფიკაციის ამაღლება;

- მაღალკვალიფიციური პროფესიონალური კადრების მოზიდვა და მათი ჩართვა საგანმანათლებლო და სამეცნიერო-კვლევით პროცესებში;

- სპეციალისტთა გადამზადება, დამატებითი განათლების მისაღებად მრავალფეროვანი პროგრამების შემუშავება;

- საგანმანათლებლო სისტემისა და კურსდამთავრებულთა მონიტორინგის სისტემის განვითარება;

- საგანმანათლებლო პროცესების მატერიალურ-ტექნიკური და საინფორმაციო უზრუნველყოფის სრულყოფა;

- სამეცნიერო გამოკვლევების საერთაშორისო საგრანტო მხარდაჭერის არეალის და მასშტაბების გაფართოება;

- თანამშრომელთა შემოქმედებითი მოღვაწეობისათვის სათანადო პირობებისა და მატერიალური სტიმულირების სისტემის სრულყოფა;

- სტუდენტთა პროფესიული უნარ-ჩვევების გამომუშავებისა და გამოცდილების მიღების მიზნით მჭიდრო კავშირების დამყარება ცალკეულ საწარმოებთან, ფირმებთან და საფინანსო-საკრედიტო დაწესებულებებთან;

უნივერსიტეტი ცდილობს დაამყაროს აქტიური კონტაქტები საქართველოსა და საზღვარგარეთის ქვეყნების მოწინავე უმაღლეს სასწავლებლებთან. ასეთი თანამშრომლობის ძირითადი მიმართულებებია:

- მულტიდისციპლინარული სპეციალობებისა და მიზნობრივი სპეციალური პროგრამების მხარდაჭერა;

- ერთობლივი სამეცნიერო კვლევები;

- აკადემიური გაცვლების განვითარება საზღვარგარეთის საგანმანათლებლო დაწესებულებებთან და სამეცნიერო ცენტრებთან;

- სტუდენტთა პრაქტიკის ორგანიზება;

- საგანმანათლებლო მომსახურების ექსპორტის ხელშეწყობა;

- ერთობლივი სამეცნიერო ჟურნალის გამოცემა

         სტუდენტთა და საზოგადოების მოთხოვნილებათა დაკმაყოფილების მიზნით, უნივერსიტეტში შექმნილია  საგანმანათლებლო პროგრამები თანამედროვე მოთხოვნების შესაბამისად,რომელთა საშუალებით შესაძლებელია აკადემიური დისციპლინების ფართო არჩევანის შესწავლა. სუხიშვილი უნივერისტეტის  კერძო სამართლის იურიდიული პირია, რომელიც შიდა ქართლში ტრადიციულ უმაღლეს სასწავლებელს წარმოადგენს.

        მოთხოვნისა  და  რეალური საბაზისო  შესაძლებლობების  გათვალისწინებით  უნივერსიტეტში გადაწყდა  ფარმაცევტის, სამართალმცოდნის, ბიზნესის და მართვის და სასოფლო სამეურნეო სატყეო საქმის  სპეციალობების  სასწავლო პროგრამების  დამუშავება.  ამისათვის  საჭირო გახდა  არსებული  სასწავლებლების  გამოცდილების  გაზიარება, სასწავლო  პროგრამების  შეჯერება და  მატერიალურ-ტექნიკური  სასწავლო  ბაზის  ჩამოყალიბება. 

უნივერსიტეტი  სთავაზობს სტუდენტებს დამოუკიდებელი განათლების ისეთ ფორმებს,როგორიცაა  კარიერის ცენტრებში მუშაობა,  ბიბლიოთეკის  წიგნადი ფონდის  დამოუკიდებელი  გამოყენება, კომპიუტერული სასწავლო პროგრამების ათვისება, ინტერნეტით სარგებლობა, მოხსენებების,პრეზენტაციების, რეფერატების დამოუკიდებელი  მომზადება  და  სხვა.უნივერსიტეტი  ყველანაირად  მხარს უჭერს  სტდენტთა ჩართვას  უნივერსიტეტის   თვითმმართველობაში,  დემოკრატიული პრინციპების  გამოყენებით  მართვაში,აუდიტორიის გარეთ  სასწავლო, პრაქტიკულ თუ საზოგადოებრივ  საქმიანობაში  მონაწილეობაში.   უნივერსიტეტის ადმინისტრაცია  ყოველმხრივ  მხარს  უჭერს  სტუდენტებსა  და  აკადემიურ  პერსონალს შორის ურთიერთგამგები, თბილი და  მეგობრული  ურთიერთობის დამყარებას,რაც სრულებით არ  გულისხმობს  ფამილარობას,  ზედმეტად  მიმტევებელ  პოზიციებს.

         უნივერსიტეტი განსაკუთრებულ ყურადღებას უთმობს საგანთაშორისი კავშირების გამყარებას, უპირატესობა ენიჭება ერთობლივი სასწავლო და პრქატიკული პროექტების განხორციელებას როგორც სასწავლებლის შიგნით (კონფერენციები,დისპუტები,პრეზენტაციები,სამეცნიერო სხდომები, ასევე, ისე მის ფარგლებს გარეთ და საზღვარგარეთ. არასამთავრობო ორგანიზაციებთან, გარეოს ფონდთან და სხვა.

უნივერსიტეტს  ხელშეკრულებითი თანამშრომლობა აქვს გორის საოლქო პროკურატურასთან, საოლქო სასამართლოსთან, გორის ცენტრალურ და კერძო აფთიაქებთან, ქალაქის ცენტრალურ საავადმყოფოს და ბავშვთა პოლიკლინიკის ლაბორატორიულ განყოფილებებთან,რეგიონულ საგადასახადო ინსპექციასთან .

უნივერსიტეტი  ხელს უწყობს მუდმივ დახვეწას ,განახლებას, ახალი,თანამედროვე დისციპლინების დანერგვას, სტუდენტების მომზადებას ახალ,ცვლად, კონკურენტუნარიან, საბაზრო ეკონომიკის პირობე ბში   მოქცეული გარემოსათვის. ამ მიზნით უკვე დაინერგა ისეთი ახლი,პერსპექტიული კურსები სასწავლო პროგრამებში, როგორებიცაა კრიტიკული აზროვნების და კომუნიკაციების კურსი, გენდერული პოლიტიკის  საფუძვლები, ქცევათმცოდნეობის საფუძვლები, კონფლიქტოლოგია, ლოჯისტიკა, ინფორმაციული თანამედროვე ტექნოლოგიები და სხვა. განსაკუთრებული ყურადღება ექცევა უცხო ენების სწავლებას.

უნივერსიტეტი ცდილობს შექმნას თანამოაზრეთა კოლექტივები, რომელთათვის უცხო არ იქნება ჯგუფური მუშაობის, პრობლემის ერთობლივი გადაწყვეტის, საერთო პასუხისმგებლობის, თანამედროვე ტიპის ქსელური თანამშრომლობის  პრინციპები. ამიტომ იგი ცდილობს, ითანამშრომლოს ნებისმიერ დაინტერესებულ მსმენელთან, მიუხედავად მათი ეთნიკური, სოციალური, რელიგიური, პოლიტიკური, ეკონომიკური მდგომარეობისა. უნივერსიტეტი  ასევე ცდილობს, არ დაკარგოს კავშირი თავის ყოფილ სტუდენტებთან, კურსდამთავრებულებთან, აწყობს მათთან შეხვედრებს, სპორტულ შეჯიბრებებს, დისპუტებს. ჩვენ კარგად გვესმის, რომ  სტუდენტები სრულიად  განსხვავდებიან, მაგრამ ყველასგან მოველით აქტიურ მონაწილეობას.

      ჩვენ განსაკუთრებულად მნიშვნელოვან  მისიად მიგვაჩნია, სტუდენტებს ჩავუნერგოთ მომავალი პროფესიისადმი მაღალი პასუხისმგებლობა, მომავალ კოლეგებთან, მომხმარებლებთან  ურთიერთობის თანამედროვე ფორმები.  სუხიშვილის უნივერსიტეტი  ყველანაირად ეცდება, სტუდენტებმა  შეიძინონ კომუნიკაციური უნარ-ჩვევები, ლიდერობის მახასიათებლები,გუნდთან მუშაობის წესები, ედვოკასის ელემენტები, პროექტების დაგეგმარებაზე მუშაობა, კოალიციის აგება,გადანაწილებული ხელმძღვანელობა დემოკრატიული ფასეულებებით, ქსელური თანამშრომლობა და საჯარო  პრზენტაბელურობის საფუძვლები.

      ჩვენ ვთავაზობთ  დაინტერესებულ პირებს შემდეგ საბაკალავრო, სამაგისტრო  და სადოქტორო პროგრამებს:

საბაკალავრო პროგრამები:

 

1.        ბიზნესი და მართვის ბაკალავრი -- ბიზნესისა და მართვის ფაკულტეტის ფარგლებში.

2.        სამართალმცოდნეობის ბაკალავრი -- სამართლის ფაკულტეტის ფარგლებში.

3.       ფარმაციის ბაკალავრი --  ფარმაცევტისა სპეციალობით, ჯანდაცვისა  ფაკულტეტის ფარგლებში.

4.     სოფლის მეურნეობის ბაკალავრი -- სასოფლო სამეურნეო და სატყეო საქმის ფარგლებში.

 

სამაგისტრო პროგრამები:

 

1.           ბიზნესი და მართვის მაგისტრი

2.           სამართალმცოდნეობის მაგისტრი - სისხლის და სამოქალაქო სამართალი

3.           ფარმაციის მაგისტრი

სადოქტორო პროგრამები:

 

1.        ბიზნესისა და მართვის ფაკულტეტი.

      სწავლა ჩვენთან დღის ფორმისაა, დასწრებული, სასწავლო ენა ქართულია.

         ჩვენ კარგად გვაქვს გაცნობიერებული, რომ აღნიშნული პროცესი  რთული,  ხანგრძლივი და  თანდათანობით დასახვეწია, მისიის სრულად მიღწევა გარკვეულ ორგანიზაციულ, ფინანსურ, ადმინისტრაციულ თუ  სხვა სახის სირთულეთა გადალახვით იქნება შესაძლებელი. ჩვენ სასწავლებელში რეალისტური თვალით უყურებენ  იმ ნაკლოვანებებსაც, რომელთა აღმოფხვრა  ჯერ ბოლომდე ვერ მოხერხდა და  მომავალშიც მუდმივად  განხორციელდება მაგრამ ჩვენ ვიცით, რომ დაძაბული შრომით, ყოველდღიური ნაბიჯებით, ურთიერთთანამშრომლობის  გაღრმავებით  სხვადასხვა  უნივერსიტეტებთან, სასწავლო თუ  სხვა სახის  საერთაშორისო  პროექტებთან,  სტუდენტებთან და  კურსდამთავრებულებთან, სასწავლო თუ  საწარმოო  პროგრამების შემდგომი დახვეწის გზით  ჩვენი მისია  და  ამოცანები  უფრო  შესრულებადი, ხარისხიანი და  თანამედროვე მოთხოვნების  შესაბამისი  გახდება, რაც  უფრო  საინტერესოდ  და რესპექტაბელურად  წარმოაჩენს  ჩვენთან  ურთიერთობას  მომავალში.

   აცნობიერებს რა თავის მისიას, უნივერსიტეტი ეძებს ახალ, პროგრესულ გზებსა და მეთოდებს, რათა ფეხი აუწყოს ქვეყნის განათლების სფეროში მიმდინარე რეფორმებს.